ديوان عبرات الحمامي 3

اللهم صلِّ على محمد وآل محمد وعجّل فرجهم

السلام عليكم ورحمة الله وبركاته

اضع بين ايديكم

ديوان عبرات الحمامي الثالث

للشاعر القدير الاستاذ

سيد عدنان الحمامي

للتحميل والتصفح

http://ar.scribd.com/doc/177306950/ديوان-عبرات-الحمامي-3

اسالكم الدعاء

يشيعه لو شربتوا الماي اذكروني انه ابليه ذنب عطشان ذبحوني

يشيعه لو شربتوا الماي اذكروني
انه ابليه ذنب عطشان ذبحوني
------------------
يشيعه حسين انه والنبي جدي
يشيعه وانه جبرائيل هز مهدي
صوبوني بسهم بيه ينكطع جبدي
طلبت الماي ضامي اعداي خلوني
-------------------------
خلوني ابعطش والدم بده يجري
من سهم المثلث طلع من ضهري
وانه اعله المهر لن طحت من مهري
بسيوف ورماح العده اتولوني
-------------------
اتولوني ولني بالحجر مرمي
طاح ابجبهتي واعله الوجه دمي
اتمنيت ابو فاضل كون لو يمي
جا يمسح الدم الجره اعله اعيوني
--------------------
عله اعيوني الدمه بيهن بعد ماشوف
ناس ابحجر ناس ارماح ناس اسيوف
ولا واحد الخاطر جدي رد معروف
وريحانة الهادي الي ايعرفوني
-------------------
يعرفوني انه ابن النبي المختار
والتموا عليه امنين ما اندار
اخوتي امذبحه ومذبحه الانصار
وانه انزف دمه اعله الترب شافوني
---------------------------
شافوني بعد لاحيل ضل بيه
وجتالي اعله صدري يسحك اعليه
وحز راسي يكطعه وجثتي مرميه
ابحر الشمس ذاك الضهر عافوني
------------------
عافوني جسد والدمه من نحري
عله التربان ياشيعه الدمه يجري
وعشر اخيول اجتي وكسرت صدري
بحوافر خيلهم وبقسوه سحكوني
============



زينب عكب ذبح حسين مشت للكوفه مسبيه -
كلبها اويه الضعن والعين الجثة احسينها اربيه
عافت جثته ابلا راس بكتره اضلوعه مرميه
لن حرمه اجت تمشي جدمها اتنكله محنيه
تهيل اتراب فوك الراس ابحر الشمس ضهريه
لمن وصلت الجثته هوت فوكاها مطويه
عمت عيني ييمه اتصيح اجروحك ريتها بيه
ولا صدرك ترضه الخيل ريت الخيل اجت ليه
تدنك ساعه يم نحره تشمه ابونه مخفيه
وعلى صدره تحط خدها وتغفه امن البجي اشويه
ومن اتفز تصيح ابصوت صرخت حزن مدويه
فديتك اربعه يحسين وهذا الحال تاليه
وهذا الحال تاليه

عبد الله الرضيع -- هاك اشرب يعبد الله دمع عيني

هاك اشرب يعبد لله دمع عيني

شح الماي يبني بينك وبيني

------


شح الماي اجيب الماي گلي امنين

يبني ومابگه غير الدمع بالعين

ريت البين يعبد لله خذاني البين

بيدي اتموت هالدنيه تراويني


-----

تراويني الدنيه اتنازع بهل الحال

يازهرة حياتي ونبعة الامال

جمر اظماك يحرگ يبني بالدلال

يچويني احس اظماك يچويني

-------

يچويني واعاين حالك برهبه

وعينك بس على امك يالولد تربه

راح اعصر اعيوني المايهن شربه

وأخذ شريان گلبي اللي يغذيني

-----

يغذيني القهر يبني اوانين الروح

واهز مهدك ييمه بالالم والنوح

مو هينه يعبد امن اديه اتروح

بثياب الحزن يبني تخليني

-----

تخليني ابحزني وحسرتي وروعي

ويظلن كل وكت دم تهمل ادموعي

تسع تشهر مهد صارتلك اظلوعي

ييمه ومن اناغيلك تسليني

-----

تسليني چنت سلوه يبعد امك

يعبد الله وچنت كل ساعه اشتمك

ليل انهار اناطر گاعده يمك

اعاين وجهك الهمي ينسيني

-----

تنسيني اهمومي من اعاين ليك

عيوني افراش الك وجفونها اتغطيك

لومن الهوه يوليدي اخاف اعليك

والياذيك احس يايمه ياذيني

----

شلون اليوم عني تبتعد عني

وليش ام المنايا اخذتك مني

يعبد الله ييمه ينگطع ظني

وايامي بعد مدري اشتراويني

-----

حوار بين زينب ع والعباس ع في ليلة العاشر من محرم

--


حوار بين زينب ع والعباس ع في ليلة العاشر من محرم عندما رأت الكتائب والجييوش تتقدم لقتال الحسين ع -- صوره ---
--

--

زينب ع
--

خويه شو دليل احتار شعدها الخيل ملتمه
وروحي حست باخطار جنها الكوم مهتمه
اعضاي اتراجفت هالحين اشوف العيله مغتمه
ليله يم ولدها اتلوب سترك ربي وتشمه
ورمله حظنته الجسام اسمعتها اتكلف بعمه
اتكله اوليدي هذا اليوم ذخر ردتك لبو اليمه
جنها اوصية اموادع ودلالي كثر همه
يسبع الكنطره اشرايك والدنيه غدة ظلمه
من كثرة كتايبها وهذا الجيش شيكحمه
بيهم ميت الف واكثر يخويه ومن يرد هالخيل

-

-
جواب العباس ع
--
يختي الميت الف شنهي عندي وآنه ابن حيدر
اشما زادوا بعد ولله وكتايبهم تجر تكثر
اخوج او ماتهمني الخيل تشوفيني علي لو كرّ
لخلي الرايه والصارم من العدو ايكطر
واصير اعليهم الطاعون يختي وصدي للمنظر
وحك جدج وابوج احلف وحك الظلع اللتكسر
بوجودي موش يوصلج عدو لو راد بس ينظر
لصب ماي العمه بعينه ويظل طول الدهر يذكر
--
سيد عدنان الحمامي

يشيعه لو شربتو الماي اذكروني -- تجليبه

يشيعه لو شربتوا الماي اذكروني
انه ابليه ذنب عطشان ذبحوني
------------------
يشيعه حسين انه والنبي جدي
يشيعه وانه جبرائيل هز مهدي
صوبوني بسهم بيه ينكطع جبدي
طلبت الماي ضامي اعداي خلوني
-------------------------
خلوني ابعطش والدم بده يجري
من سهم المثلث طلع من ضهري
وانه اعله المهر لن طحت من مهري
بسيوف ورماح العده اتولوني
-------------------
اتولوني ولني بالحجر مرمي
طاح ابجبهتي واعله الوجه دمي
اتمنيت ابو فاضل كون لو يمي
جا يمسح الدم الجره اعله اعيوني
--------------------
عله اعيوني الدمه بيهن بعد ماشوف
ناس ابحجر ناس ارماح ناس اسيوف
ولا واحد الخاطر جدي رد معروف
وريحانة الهادي الي ايعرفوني
-------------------
يعرفوني انه ابن النبي المختار
والتموا عليه امنين ما اندار
اخوتي امذبحه ومذبحه الانصار
وانه انزف دمه اعله الترب شافوني
---------------------------
شافوني بعد لاحيل ضل بيه
وجتالي اعله صدري يسحك اعليه
وحز راسي يكطعه وجثتي مرميه
ابحر الشمس ذاك الضهر عافوني
------------------
عافوني جسد والدمه من نحري
عله التربان ياشيعه الدمه يجري
وعشر اخيول اجتي وكسرت صدري
بحوافر خيلهم وبقسوه سحكوني
============

موال زهيري -- في حق -- زينب الكبرى ع

الله يابت علي امدح شمجد مجد

ابطون الكتب طالعت مثلچ اصيله مجد

لكل جيل يبقه وعصر دورچ يزيب مجد

والمجد منچ اخذ عّفه وحصانه وشرف

من يوم طف كربله عالموت دينچ شرف

موقف تسجل الچ كل نبي ومرسل شرف

تاج الشرف حضرتچ يعتلي هام المجد
-------------
سيد عدنان الحمامي

اخذه وروح بيه يحسين --- للرضيع ع -- مقطوعه نعي

--

ليش اينازع بروحه چبدته امن الظمه أتألمه

أخذه وروح بيه يحسين كلساعه الطفل يغمه

ذاك الماي ماهو ابعيد جاريه عذب يمه

وحسين اخذ ابنه وراح لحظه ورده لخيّمه

اباب الخيمه تتلگاه طلعت للطفل امه

ولمن وصل بيه حسين عن ام الطفل ظمه

طلعن كل بنات حسين والتمن فرد لمه

نادنّه يبونه اشبيك روحك ليش مغتمه

اخونه لوسگيته الماي شيل امن الگلب همه

وحده اتگله چاوينه اخته ورايده اتشمه

والمظلوم هل دمعه اشيگلهن سابح ابدمه

اخذن هذا عبد الله بناتي سابح بدمه

---

امساهره اعيون الرباب امساهره

--
--

امساهره اعيون الرباب امساهره -- ايلوج عبد الله وعليه متحيره

--

امساهره اعيون الرباب اعله المهد -- طفل ظامي اشتنتظر منه بعد

اتفارگه باچر لون حان الوعد -- لوتشوفه ابنبله گطعوا منحره

--

ليل موحش والرباب اشتنتظر -- اشلون ليل الفرگه لو طرله فجر

اتخاف عنها ايغيب عبد الله البدر -- وبالمهد مذبوح من تتصوره

--

جف صدرها بعد بيش اترضعه -- اتحظنه ساعه ابمهده ساعه اترجعه

وگامت امن اليل هيه اتودعه -- اتلولي وتهز المهد وتناطره

--

اشلون أم اتشوف ابنها ابها الوضع -- وگام ببهام المنايا يرتضع

هاك اخذ نادته يوليدي الدمع -- وطفي جمرات الظمه المتوجره

--

هاك ماي اعيوني واروي چبدتك -- بلچي من اظماك تبرد مهجتك

ميته ريت ولا أشوفن حالتك -- ولادمع حزني عليك اتفجره

--

آه يبني المارحم حاله القدر -- ولارحمني بيك يوليدي الدهر

تعبي راح او راحت ايام السهر -- وبعد گلبي لو رحت شيصبره

طوّل يليل الفاجعه -- لحسين خلي انودعه

المستهل


--


لحسين خلي انودعه -- طول يليل الفاجعه


باچر ميادين ودمه -- ينذبح ضنوة فاطمه


--


من جفن سهران ليله دمعة أموادع يصبها


من چبد ظامي ورهبته زينب أو ونة گلبها


اتشاهد أخوتها المسيه وباچر ابساحة حربها


بس جثث برض المصارع المن اتوجه عتبها


الاكبر تشوفه منصرع -- الجسام يطفون الشمع


وغيمة احزان امخيمه -- ينذبح ضنوة فاطمه


--


أتوادعت كل الحراير ويه ولياها المسيه


بدمع العيون اليهامل تنتظر فجر الرزيه


هاي التودع ابنها والجفن دم يجري ميّه


وهاي التصبر اخوها وللصبر متحمله هيه


بعمارهم ليله بقت -- ويه اخوها اتوادعت


ومن تجزي ليله المظلمه -- ينذبح ضنوة فاطمه


--


چم گلب هاليله دامي وكل مرضعه جف لبنها


وحده يم مهد الرضيع اتهزه وتنوح اعله ابنها


ساعه من مهده تشيله اتناغي وتوسده بحظنها


روحك اتگله اشكبرها يبني وشتحمل محنها


تبچي وتنوح اعله الطفل -- يبني الظمه ماينحمل


ماينطفي جمر الظمه -- ينذبح ضنوة فاطمه


--


زينب بخيمة صبرها حسّبت بعيال اخوها


رادت اخوتها النشامه اتسولف اوياهم يجوها


حتى من ليل المخاطر للعقيله ايطمنوها


لحظه لن عباس اجاها سولفت ويه ابن أبوها


هاليله تحمي العايله -- وباچر اطفال اموجله


بقسوة الناس المجرمه -- ينذبح ضنوة فاطمه


--


گلها يازينب تطمني من يجي او يوصل خيمكم


ياهو يتجاسر يزينب وآنه أخوچ الهيبه يمكم


باچر اتشوف النواظر يالعقيله كون اسركم


أحصد بسيفي الرگاب شحده لو ناظر نظركم


تتعثر الخيل ابزلم -- بسيفي اطشرها والم


ونتي يزينب عالمه -- ينذبح ضنوة فاطمه


--


راحت ابلهفة گلبها يم الحسين او تنشده


خويه هم عندك وصيه وهذا ليل الوحشه بعده


گلها يازينب أخوچ الينگطع بالرميه چبده


باچر وسلاب يسلب ثوبي يازينب يجرده


وبساعة اللي انصرع -- هالخيل تكسر كل ضلع


وجسمي گبل متهشمه -- ينذبح ضنوة فاطمه


--


--


عمت عيني اعله راس حسين منشال


بطرف الرمح ريته انعاب منشال


وعسى ايمين الگطع خنصره منشال


ويشل كلمن رمه سهم المنيه


--

- يشيعه لوشربتو الماي اذكروني --

يشيعه لوشربتو الماي أذكروني -- انه ابليه ذنب عطشان ذبحوني


--


يشيعه حسين آنه والنبي جدي -- يشيعه وآنه جبرائيل هز مهدي


صوبوني بسهم بيه ينگطع چبدي -- طلبت الماي ضامي اعداي خلوني


--
خلوني بعطش والدم بده يجري -- من سهم المثلث طلع من ظهري


وآنه أعله المهر لن طحت من مهري -- بسيوف ورماح العده اتولوني


--


أتولوني ولني بالحجر مرمي -- طاح ابجبهتي واعله الوجه دمي


اتمنيت ابو فاضل كون لو يمي -- يمسحلي الدمه اللي جره اعله اعيوني


--


عله اعيوني الدمه بيهن بعد ماشوف -- ناس ابحجر ناس ارماح ناس اسيوف


ولا واحد الخاطر جدي رد معروف -- وريحانة الهادي الي ايعرفوني


--


يعرفوني آنه ابن النبي المختار -- والتموا عليه امنين ما اندار


أخوتي أمذبّحه ومذبحه الانصار -- وآنه أنزف دمه اعله الترب شافوني


--


شافوني بعد لا أمل ظل بيه -- وچتالي اعله صدري يصعد اعليّه


وحز راسي ويگطعه وجثتي مرميه -- ابحر الشمس ذاك الظهر عافوني


--


عافوني جسد والنزف من نحري -- عله التربان ياشيعه بقه يجري


وعشر اخيول أجتي وكسرت صدري -- ابحوافر خيلهم وبقسوه سحگوني


--

ذبوح يم مذبوح -- يابويه وين انروح ----- ليلة الوحشه

المستهل


--


مذبوح يم مذبوح -- يابويه وين انروح


ليل أهدعش خيم -- بس الجثث والدم


--


ياعلي خلصت زلمنه ضامي ذبحوه ويه ضامي


وآنه لاخيمه العليّه للستر حرگوا خيامي


صوتي بح أمن المصيبه والجفن يابويه دامي


چم طفل خيل وتسحگه ابلا رحم وبلا محامي


يابويه گوم وشوف -- موت وظمه وبخوف


ماظل لنا أمخيم -- بس الجثث والدم


--


انفض اترابك يحيدر الكربله أتگوم وتجينه


وحدي مابين المصايب ردتّك الحالي تعينه


هذا مجرم بويه شفته وراس الحسين ابيمينه


وهذا واحد گلي طفّوا بالسهم عباس عينه


ردتك تجي وياي -- وتردها خيل اعداي


ابخيله العدو اتقدم -- بس الجثث والدم


--


بويه والذبحوا أخوتي للخيم بالنار أجونه


فرهدوا أول خيمنه ابلا رحم ويسلبونه


وآنه بس أدفع وأشاگف بالسياط ايضربونه


بويه شتموني أمن أگلهم حيدر الكرار أبونه


بس أنخه بويه بيك -- ولا أگدر اوصل ليك


صار النهار اظلم -- بس الجثث والدم


--


هوه لو عباس أخويه ياعلي حي باقي يمنه


من گدر يوصل يحيدر يجسر او يحرگ خيمنه


گطعت أچفوفه المنيه الچانت اچفوفه التلمنه


ياعلي او عينه رماها الرامي وبسهمه هظمنه


ابصرخة گلب عطشان -- ردنه گمر عدنان


ابحال الحرم يهتم -- بس الجثث والدم


--


ياعلي ايتامي كلها اتطشرت ياهو اليلمها


بويه هاي اهناك طفله بحافر الخياله دمها


بويه هاي اهناه رضيعه نايمه يم جثة امها


بويه واطفالك يحدير عين للجود وعلمها


كلها عطاشه وعين -- اتصد بويه للچفين


رادت يجيها العم -- بس الجثث والدم


--


بويه والحرگوا خيمنه وذبحوا القاسم والاكبر


همه سلاّبه اجونه والحرم تلگاها بالبر


جيب ماي وخيمه النه من تجي يمنه يحيدر


ترضه أدري لا مترضه بين أجانب تبقه خدّر


شگ الضريح وگوم -- وخلصنه من هالگوم


ليش ابمناحه وهم -- بس الجثث والدم


--


--


ابوذيه


--


أبونه علي وغيره الشمس من راد


ظلم هذا الظلم يحسين من راد


احسان أمن النبي ياناس من راد


يگوم ويدفن ابن امي الزجيه


--


فضلنه ملك للعالم وساده


أعله ابو اليمه أشجره وسفه وساده


ثلث تيام ما واحد وساده


جسم لا راس مرمي اعله الوطيه


--

ليله -- ليلة أوداع اويه الاهل ليله ----- گعده

المستهل


--


ليله -- ليلة أوداع أويه الاهل ليله


أخت وتودع اخوتها -- ماتنوصف حالتها


--


ليله ماشافت مثلها زينب او مرّت عليها


جفن سهران ودمعها هيّج الاحزان بيها


اتشاهد أخوتها أو تفكر صبح باچر من يجيها


كل أخو هيبه اتشاهده -- يحرسها من كيد العده


لوحان باچر موعده -- مايظل كل أخو ليها


باچر -- من يظل الها امن الاهل باچر


والتنفگد هيبتها -- ماتنوصف حالتها


---


عين زينب يم خيمها وعين لبدور الهواشم


أتدور من خيمه اعله خيمه أتفگدت حال الفواطم


لاطفل بالخيمه شافت امن الظمه ابحظن أمه نايم


كل ام ولدها اتودعه -- لا لبن عدها اترضعه


وهاليل ليل الفاجعه -- كل طفل باچر ميسلم


حيره -- المن تصبّر ياگلب حيره


كل مرضعه الشافتها -- مانوصف حالتها


--


اخت يم الاخو اتودعه او كل خليل احتظن خلّه


هذا اليصبّر بأخته وأخته هم اصبر تگله


شلون واحنه ازغار باچر لو فگد كل واحد أهله


لو كل اهلنه اتذبحت -- والخيل لينه لو أجت


بيّه وبيك وسحگت -- وفرهدوا للخدر كله


عمنه -- من يگطع أچفوفه القدر عمنه


تروح الحرم عزتها -- ماتنوصف حالتها


--


هالخيم بيها عطاشا وخوف والرهبه خذتهم


وحزمة الأخوه النشامه اعيونهم تربي لختهم


همه بس هاليله عرفوا زينب أمأمنه اببختهم


ايشوفوها متحيره بأمر -- ومتحزمه ابطود الصبر


لو باچر وطرله فجر -- وخيل ظلام الولتهم


المن -- باچر تحشم يا أخو المن


واعله النهر رايتها -- ماتنوصف حالتها


--


اليله هيه ابصبر اخوها زينب اتعاضد صبرها


مابقه بس يوم واحد تنظر حسين ابعمرها


والظهر باچر يخطفه الموت متشوفه بنظره


اسيوف وتشوف اتولته -- ويگطع امثلث مهجته


وخياله تسحگ جثته -- چم مصيبه التنتظرها


يغمض -- ياجفن زينب مابعد يغمض


ويه القدر سهرتها -- ماتنوصف حالتها


--


حسين وصاها يزينب باچر اتشوفين دمي


وينذبح عبد الله ضامي وجثته اتشوفيها يمي


انتي لعيالي كفيله وبالحرم يختي توزمي


وعباس اخوج اعله النهر -- چفين متظل ونظر


ويداهم اعيالي الخطر -- وبالصبر لعيالي لمي


عينچ -- من تصد يختي الجثتي عينچ


خياله لوسحگتها -- ماتنوصف حالتها


--


ودعت عباس زينب وأجت ودعت علي الاكبر


وباست القاسم ابعينه وتخفي دمعتها متگدر


وسكتت عبد الله يبچي أمن الظمه حاله تغير


ماعادت أمه اترضعه


گامت ابمهده اتودعه


باجر تحل الفاجعه


لاطفل لاخيمه تسلم من تجي اشرار اميه


--


سيد عدنان الحمامي

علي -- علي -- علي -- ذبحوا اهالينه

المستهل

--

علي علي علي -- ذبحوا اهالينه

علي علي علي -- بالغربه ظلينه

وليه انولينه -- بويه انسبينه

بالغربه ظلينه

---

ياعلي انخاك ياعقد الوله -- ليله وحشه ابخوف كل العايله

والاطفال ابرهبه بويه اموجله -- گوم يابا الحسن گوم الكربله

علي علي علي -- لاولي ظل عدنه

علي علي علي -- بس حرم وحدنه

جاروا علينه -- بويه انسبينته

بالغربه ظلينه

--

انفض اتراب الگبر يابو الشدد -- اشتنتظر يابويه متگلي بعد

لا أخو وأنخاه لاظل لي ولد -- بويه ذبحوا حتى طفل البلمهد

علي علي علي مو ضربوا أمتوني

علي علي علي -- يابويه شتموني

لوتدري بينه -- بويه انسبينه

بالغربه ظلينه

--

بويه بيّه اجروح ياجرح الاروف -- بس جثث بالمصرع اعيوني تشوف

وهاي جثة حسين گطعتها السيوف -- صفه هذا الحال بينه بالطفوف

علي علي علي -- تسمع بواچينه

علي علي علي -- لو صرخة سكينه

ويمته تجينه -- بويه انسبينه

بالغربه ظلينه

--

امراجف امن الخوف ياخير العمل -- تجي هذا الصوت لو يمك وصل

تعتذر لا بويه ماظل كل امل -- حزمة أخوه راحوا ومحد يظل

علي علي علي -- عافوني خواني

علي علي علي -- وفگدت شباني

ونصفگ بدينه -- بويه انسبينه

بالغربه ظلينه

--

نصفگ الراحات من غاب الگمر -- سهم صابه وطفه من عينه النظر

والعمد بالراس والراس انشطر -- لو تجي اتشوفه يبويه اعله النهر

علي علي علي -- شتشوف چفينه

علي علي علي -- لو سهم البعينه

لحگ ولينه -- بويه انسبينه

بالغربه ظلينه

--

سيد عنان الحمامي

كون ابچيكم --------ليلة الوحشه

ليلة الوحشه

--

تجليبه

--


--


يم حسين گومي اوياي يمّه اوياي -- اطفال وتريد الماي يمّه أوياي

--

گومي اوياي يمّ حسين هالساعه -- جمرات العطش بأطفالي لساعه

لامن أخوتي ايگومون فزاعه -- وحدي او لا فكر لاراي يمّه اوياي

--

يمّه اطفال والتموا فرد لّمه -- هذا ايگلي چبدي انفطر ياعمه

وذاك اللي شبگني وعافها لأمه -- عمه ايصيح بردي أحشاي يمّه اوياي

--

يمّه فاطمه بهل الساعه لوجيتي -- أوياچ الماي يالزهره لهل بيتي

وبچبود العطاشا النار طفيتي -- باطفالي گصت دنياي يمّه أوياي

--

گومي امن اللحد يمّه ابكسر ضلعچ -- وأروي أچبودنه يالزهره من دمعچ

ولله لو وصلتي حالنه ايفجعچ -- يالزهره اشعظم بلواي يمه اوياي

--

بلواي أمن أخويه عافني عباس -- ومنه ايطيح سيفه والدرع والطاس

ظلينه ابعطش وبخوف من هالناس -- ياهواللي يرد اعداي يمّه اوياي

--

رهبة خيل اجتنه اوفرّت الاطفال -- مابين الحوافر دم عطاشا السال

ياحال الامّر يالزهره من هالحال -- لاواحد سمع نخواي يمه اوياي

--

يمّه المصرع حسين أمن أصد نظره -- ماخلوا ضلع ماكسروا ابصدره

وراسه اعله الرمح رفعوه يالزهره -- ابعينه ينظر العيناي يمّه اواي

--

للشبان أوصل يمّه ما أگدر -- واعاين عالبعد جسام والاكبر

ظليت ابگلب مكسور ومحيّر -- حرمه ومالها حماي يمّه اوياي

--

سيد عدنان الحمامي

وين ابمسيرك يحسين -- من ودعت اوطانك

المستهل

--

وين ابمسيرك يحسين -- من ودعت اوطانك

--

يحسن وين ابسفرتك -- كل الحراير وياك

ودعت المن ودعت -- ودموع تهمل عيناك

هاي اظن للزهره رحت -- تودعها وبچيت اهناك

اشگالتلك أبقه بالوطن -- شسولفت يحسين اوياك

هيجت كسر الضلعين -- من ودعّت اوطانك

--

يحسين لمك فاطمه -- هم سولفت وين اتريد

گلتلها اعلن نهضتي -- لجل الشرع ضد ايزيد

گلتلها للذله ابد -- يالزهره ما مدّ الايد

لو كل اخوتي اتذبحت -- وآنه يگطعولي الجيد

او بچيت للزهره العين -- من ودعت اوطانك

--

والگبر جدك مارحت -- يولا يبو اليمه اتروح

لابد تبين له الوضع -- وتخبره دينك مجروح

وشرعك يسلطان البشر -- والعدل والحگ مذبوح

ورايدني ياجد انتفض -- وقربان اقدمله الروح

والنهضه من اجل الدين -- من ودعّت أوطانك

--

يحسين وبمكه اشلون -- تعتمر وتطوف البيت

آخر طواف أصبح الك -- وگبل اليحجها حجيت

ماردت للدم ينسفك -- بيها المسيرك لبيت

وظعنت باهلك واخوتك -- الساحة كفاحك ومشيت

درب النصر تدري امنين -- من ودعت اوطانك

--

درب الجهاد ابمسلكك -- تسلك طريق الثوار

ونويت تگطع هالدرب -- لو ينفرش دربك نار

اتخلد تريد اعظم درس -- وجامعه اتخّرج احرار

يحسين ماناهض نهض -- مثلك ولاثاير ثار

الساحة جهادك لاوين -- من ودعت اوطانك

--

يحسين وبسوح الشرف -- قدمت دمك قربان

وبگطع نحرك والدمه -- منهج محمد ينصان

لو ماتجود بهل النفس -- وراسك يرتل القرآن

لادين ظل ولاشرع -- وردوا يعبدون اوثان

لاچن ابدم الطيبين -- من ودعت اوطانك

--

وين رايح گاطع ادروب السفر -- للمسير

موشح

--

--

وين عازم عالسفر يحسين وين -- روح ودعّ فاطمه بدمع وأنين

--

روح لمك فاطمه قبل المسير -- وگلها هم اوداعچ ابگلبي چبير

وأدري يمّه علم عنچ باليصير -- لاچن الله يمّ حسن هوه المعين

--

بچت عين الكعبه لوداعك تهل -- شافتك يحسين رايد ترتحل

تدري ماشي خطر دربك مو سهل -- شلون لو لرض الوطن عاد الحنين

--

وين رايح تگطع ادروب السفر -- أشلون بيك الوكت لوخان وغدر

ياحسين اهناك چن ارض القدر -- اي وحق ضلع امك وذاك الجنين

--

تعتمر رايد وتظعن بالضعن -- مو خواتك لو مشن يتروعن

ياحسين او بالدرب يتصدعن -- فوگ ظيم الوكت وأحزان السنين

--

روح يم جدك ابدمعك ودعه -- ونتّك يحسين اگعد سمعّه

وخبره ياجد للظلم مابايعه -- ولا أمد للذله ياجد الادين

--

سولف الجدك محمد بالتريد -- خبره أرد اعلن جهادي ضد يزيد

لو يكلفني يجد دم الوريد -- ودم أخوتي او تنذبح كل البنين

--

وينها الفكدة اخوها وينها 00 في حق زينب ع

الوزن اموشح
==========
وينهاالفكدت اخوها وينها
خل تجي اتسولفلي بيني وبينها
------------------------
زينب انه امصايب المره اجرعت
اتهلهل سيوف ورماح انه اسمعت
عالترب ولدي واخوتي ودعت
ياهو بالله مثلي شافت عينها
-------------------
ياهو مثلي اشلون الها تستريح
اتكوم من يم جثه يم جثه تطيح
اوليدها والاخوه واليرضع ذبيح
نايم اتشوفه اعله صدر احسينها
-----------------
نايم اعله الترب شفت اشجم بدر
هيه ياهو المثلي ضل الها صبر
اخوه متذبحه وخيامي جمر
وعكب الاخوه الاخت ياهو ايعينها
---------------
حرمه ضليت ابمصارع اخوتي
اليا عزيز اعليه اهلن دمعتي
غدت تتكسر ابصدري عبرتي
وروحي من الضيم زاد اونينها
-----------------
تون روحي ياهو الها مثلي روح
الفاكده اوحيد عليه حكها تنوح
امن ايدي انه اسبعطعش نشمي يروح
شلون مثلي اتعيش بعد اسنينها
------------------
عشت ايامي ابحزن واجري الدمع
وحسرتي ابضلعي طوت مني الضلع
هيه يامفجوعه مثلي تنفجع
ابذبح الاخوه وحركت اصواوينها
=============

يالزهره يمه فاطمه عن كربله وين

يالزهره يمه فاطمه عن كربله وين -- ابليه دفن ابنچ يظل بالمصرع حسين

--

يايمه ثالث يوم اله عالترب مطروح -- راسه اعله رمحه والنحر امن الگفه مذبوح

يمه تعالي ونشترك كل احنه بالنوح -- لوليدچ اللي منذبح بعينچ تشوفين

--

يالزهره يمچ لو وصل صوتي وكلامي -- ساعتها گومي وحشمي اهلي وعمامي

ظل الحسن ابكربله بس جسد دامي -- وصار التراب الجثته يايمه تچفين

--

يالزهره يمه خبّري كل الهواشم -- خلي يجون الكربله امجرده الصوارم

ليش الحسين ايظل جسد عالغبره نايم -- ولاواحد المنهم فزع لبن الميامين

--

ريتچ تشوفين الجسد والنحر مگطوع -- والثوب من كثر السحگ عن جسمه منزوع

صدره ميسلم بيه ضلع كسروله اللضلوع -- لضلوعه خيل اللي اجت هشمت الصوبين

--

يالزهره ماصحله بعد واحد يدفنه -- واللي يموت اهله تجي اتغسله وتچفنه

يومين وثلاثه يظل ميت مشفنه -- ومنين اجيب البيه رحم يافاطمه امنين

--

واللي يخاف الله بعد ومننين اجيبه -- ناري اعله اخويه البلگب يمه لهيبه

واسيني يمه فاطمه بهاي المصيبه -- لوشفتي حالي ابكربله يالزهره تبچين

--

يدفان اللحد وسعه

البحر الطويل

--

-

يدفان اللحد وسعه -- وبعد اتوسعه البابه

على مهلك اخويه حسين -- بعده ينزف اصوابه

--

يدفان ادفن ابن امي -- بهيده اتنزله ابلحده

شوفه بس جسد عاري -- اخويه وراس ماعنده

وماتنعد جروحه البيه -- چم اصواب اللنعده

رماي النبل صابه -- ويگطع بالسهم چبده

يمه امذبحه الشبان -- كلها امذبحه ولده

وراسه اعله الرمح مرفوع -- وشيبه بالدمه اخضابه

---

يدفان العزيز ايكون -- العشيره هيه التشيعه

وكل اهله وعمامه اوياه -- وأخوته وصحبته وربعه

ليش ابن امي عالتربان -- ظل ابجثته المگطعه

ليش او لابواچي اعليه -- ولا واحد ذرف دمعه

هذا ابن النبي المختار -- وامه فاطمه البضعه

اخويه الچانت الوادم -- كلها أتقبل اعتابه

--

يدفان وعليك الله -- بدفنه أترفگ بحاله

لتگول الجسد دامي -- وكلها امگطعه أوصاله

لتگول ابحوافرها --سحگت صدره خياله

آنه شفته لبن أمي -- وآنه واگفه أگباله

الخيل الخيل آه الخيل -- هيه الغيبت اهلاله

وعالتل اصعدت ناديت -- حاه يحسين ومصابه

--

يدفان واسولفلك -- عن اللي كفل خدري

اخويه حسين صاح بصوت -- يعباس انكسر ظهري

ظل وحده معين ايريد -- وآنه امحيره بأمري

ناس ارماح ناس اسيوف -- ودمه امن الطعن يجري

وطاح ابمصرعه المظلوم -- عساني لاعشت عمري

ادري راح اخويه حسين -- عني ايطول اغيابه

--

يدفان الطفل وياه -- عبد الله انگطع نحره

مشينه لليسر عفناه -- يم حسين وبكتره

ويه حسين ادفنه ايكون -- وتوسده على صدره

اهناك محسن ايشوفه -- اخويه اهناك ينتظره

بدمه ايروح يالدفان -- تشوفه فاطمه الزهره

عله حاله تنظره امي -- دمه بعده بثيابه

للدفن ---- دفن الحسين ع -- اعله حسين حشمتهم اخته

بسمه تعالى
000000
كعده ليلة الدفن
000000000000
المستهل
0000000

للناس حشمتهم اخته -- مظلوم من يدفن جثته

وين البيه غيره وين --يدفن ابن امي حسين
0000000000000000000000
زينب بدمعة جفنها مشت للكوفه اسيره

جثث عافت بالمصارع ولايصح بالناس غيره

من عله الناگه ونظرها للاخو بمصرعه اتديره

تعاين لخوها ابمصرعه –- لاراس جثه امگطعه

صاحت بصوت الفاجعه -- مصيبتي مصيبه چبيره

امشي الچتال اويايه -- لاسيف عندي ولا رايه

نجيب الكرار امنين -- يدفن ابن امي حسين

00000000000000000

تبچي ام الخدر تبچي تگول احنه النبي جدنه

شلون وي چتال اخويه للوطن هوه اليردنه

شلون كل احنه حراير سيف ماظل يحمي حدنه

لا اخو ظل او لا ولد -- لامن يحامينه بعد

عافوني ابطال الشدد -- ونسلب عزنه وخدرنه

ايتام محد يرحمهم -- ايتام والزهره امهم

المن وتشوف العين -- يدفن ان امي حسين
00000000000000000

جثه يم جثه عفتها مغسلات ابفيض دمهن

لا أخت لا أم تواسي ولاعشيره التجي يمهن

ولاضلوع ابن امي واحد عنده غيره ويجي ايلمهن

بس جثه ظل ابلا دفن -- لا واحد الحالي يحن

ابچي ودمع عيني مزن -- وين لدموعي اظمهن

انحب وندب بالزهره -- مذبوح ابنچ عالغبره

المن بعد اتحشمين -- يدفن ابن امي حسين

00000000000000

اهنا جثث ظلت رميه رادت ايحضرون يمها

وين اشراف الهواشم للجثث تحظر تلمها

وين للثارات تصرخ تجي وتحشم زلمها

ليش الحسين اعله الثره -- لاراس ظل بمنحره

والخيل صدره اتكسره -- والعدو ضلوعه هشمها

مذبوح عبد الله بكتره -- مذبوح والنبله ابنحره

والحالي ياهو يعين -- يدفن لبن امي حسين
0000000000

وين دفان اليدفنه لو حصل عندي وصيه

لحّد لبن امي يوسعه ريت هذا اللحد ليّه

جروح البجسمه اشكثرها من عساها اجروحه بيه

من العطش چبده انفطر -- وبجبهته صابه الحجر

الله وشسووه الدهر -- جسره من عنده عليه

ويلاه وشسوه بحالي – ويلاه ضيع آمالي

وياه يدفني البين -- يدفن لبن امي حسين

00000000000000000

ردت من يدفن ابن امي وللنبي احسانه يوصله

جسمه المگطع يلمه يديره عالقبله ويعدله

وخلي ياخذ دمع عيني وبدمع عيني يغسله

مني اخذ كل العمر – ونهدم من صبري صبر

اتمنه وياه بالگبر -- فراگه مااگدر احمله

اخته وماريد افراگه -- وياه ماظن اتلاگ

واحد بلچي وماشين -- يدفن امي حسين
0000000000
سيد عدنان الحمامي

دفن الحسين ع -- يوم الدفن -- كعده -- اعله حسين حشمتهم اخته

كعده ليلة الدفن
000000000000
المستهل
0000000
للناس حشمتهم اخته -- مظلوم من يدفن جثته

وين البيه غيره وين --يدفن ابن امي حسين
0000000000000000000000
زينب بدمعة جفنها مشت للكوفه اسيره

جثث عافت بالمصارع ولايصح بالناس غيره

من عله الناگه ونظرها للاخو بمصرعه اتديره

تعاين لخوها ابمصرعه –- لاراس جثه امگطعه

صاحت بصوت الفاجعه -- مصيبتي مصيبه چبيره

امشي الچتال اويايه -- لاسيف عندي ولا رايه

نجيب الكرار امنين -- يدفن ابن امي حسين

00000000000000000

تبچي ام الخدر تبچي تگول احنه النبي جدنه

شلون وي چتال اخويه للوطن هوه اليردنه

شلون كل احنه حراير سيف ماظل يحمي حدنه

لا اخو ظل او لا ولد -- لامن يحامينه بعد

عافوني ابطال الشدد -- ونسلب عزنه وخدرنه

ايتام محد يرحمهم -- ايتام والزهره امهم

المن وتشوف العين -- يدفن ان امي حسين
00000000000000000

جثه يم جثه عفتها مغسلات ابفيض دمهن

لا أخت لا أم تواسي ولاعشيره التجي يمهن

ولاضلوع ابن امي واحد عنده غيره ويجي ايلمهن

بس جثه ظل ابلا دفن -- لا واحد الحالي يحن

ابچي ودمع عيني مزن -- وين لدموعي اظمهن

انحب وندب بالزهره -- مذبوح ابنچ عالغبره

المن بعد اتحشمين -- يدفن ابن امي حسين

00000000000000

اهنا جثث ظلت رميه رادت ايحضرون يمها

وين اشراف الهواشم للجثث تحظر تلمها

وين للثارات تصرخ تجي وتحشم زلمها

ليش الحسين اعله الثره -- لاراس ظل بمنحره

والخيل صدره اتكسره -- والعدو ضلوعه هشمها

مذبوح عبد الله بكتره -- مذبوح والنبله ابنحره

والحالي ياهو يعين -- يدفن لبن امي حسين
0000000000

وين دفان اليدفنه لو حصل عندي وصيه

لحّد لبن امي يوسعه ريت هذا اللحد ليّه

جروح البجسمه اشكثرها من عساها اجروحه بيه

من العطش چبده انفطر -- وبجبهته صابه الحجر

الله وشسووه الدهر -- جسره من عنده عليه

ويلاه وشسوه بحالي – ويلاه ضيع آمالي

وياه يدفني البين -- يدفن لبن امي حسين

00000000000000000

ردت من يدفن ابن امي وللنبي احسانه يوصله

جسمه المگطع يلمه يديره عالقبله ويعدله

وخلي ياخذ دمع عيني وبدمع عيني يغسله

مني اخذ كل العمر – ونهدم من صبري صبر

اتمنه وياه بالگبر -- فراگه مااگدر احمله

اخته وماريد افراگه -- وياه ماظن اتلاگ

واحد بلچي وماشين -- يدفن ابن امي حسين
0000000000

شجابج والطريق ابعيد يالزهره --- تجليبه

الوزن تجليبه
--------------
شجابج والطريق ابعيد يالزهره
لوليدج اجيتي الهشموا صدره
-------------------------
شجابج والطريق ابعيد وشجابج
اموشحه بالسواد امكبعه بمصابج
عن حسين ليش ايطول اغيابج
كل ام للابن يافاطمه اتحضره
----------------------
اتحضره الام لابنها ما يضل وحده
شلون حسين عغتيه عالترب خده
ماجيتي وشلعتي السهم من جبده
صبرتي شلون گلبج ها كبر صبره
----------------------
صبره ماخلص گلبج واجيتي ليه
مو عطشان صاح حسين وسمعتيه
اوياج الماي يم حسين لوجبتيه
من العطش ضل للماي ينتظره
-----------------------
عطشان ويريد الماي يتروه
وضربوه بالحجر ماعدهم امروه
صابه ابجبهته واعله الارض يهوه
وذباحه گطع يم الحسن نحره
------------------
نحره ينگطع والراس فوگ ارماح
وظلت جثته وضعن الفواطم راح
ومن ذاك الظهر لليل للمصباح
اوليدج جثته ابلا دفن عالغبره
-------------------------
عالغبره ثلث تيام وبدمه
لاظلن بناته ولا اخت يمه
وانتي مااجيتي ليش مو امه
وحيدر ماحظر يافاطمه شعذره
----------------------------
شعذره جان حيدر ماحظر لابنه
ياهوا ايغسله اوياهوا الذي ايجفنه
لو جاي اويغسل حسين ويدفنه
ويلم الضلوع اليمه المكسره
---------------------------------------- 

 الدعاء للجميع بشفاعة الزهراء ع

عمت عين المتبجي اعليج -- يم الحزن يالكبره

عمت عين المتبچي اعليچ --- يم الحزن يالكبره

حملتي كل دواهي السود --- وگلبچ ما خلص صبره

000000000000000

حملتي الماتحمله اجبال -- ياصبر المثل صبرچ

ياگلب الخزن لوعات -- يازينب مثل گلبچ

شمصعبها الرزايا اعليچ -- نهظتي ولا حنت ظهرچ

يتيمه من زغر سنچ

مامال الحزن عنچ

يحره ولاسكن ونچ

من يوم الضلع بالباب -- كسروا لمچ الزهره

000000000000000000

من يوم امچ الزهره -- عن عينچ بدرها غاب

بعدچ بالثياب السود -- وگلبچ ينفجع بمصاب

يوم الصابوا الكرار -- ابوچ وطاح بالمحراب

امصاب امچ گبل شفتيه

وابوچ النوب ودعتيه

ثاني امصاب وحملتيه

جرحين ابدليلچ صار وبيه تتواگد الجمره

000000000000000000

ظلت جمرت الاحزان -- تتواگد ابدلالچ

بنيتي عالحسن وحسين -- يزينب صرح امالچ

لن غيمة النكبه اتعود -- وچبد ابن امچ اگبالچ

اينازع للحسن شفتيه

من شدة اصواب البيه

طحتي اعليه واحضنتيه

يخويه اصواب البچبدك -- اظنه بعد مايبره

000000000000000000000

گبل ميودع الدنيه -- اخوچ الحسن وصالچ

گمر هاشم ودگ صدره -- شحده الينظر اخيالچ

اخوچ اتوزم بامرچ -- عزيزه وگام يبرالچ

لاچن من عزم عالراي

ابطف كربله ايجيب الماي

صحتي من عمت عيناي

من طاح العلم والجود -- وحسين انكسر ظهره

0000000000000000000

ظهري انكسر ياعباس -- صاح ابن امچ اتسمعين

شلون بهل المصيبه اشلون -- من شفتي وحيد حسين

يزينب صعب هالموقف -- هم حيل البگه اتحملين

ونتي واگفه اگباله

وگام ايودع اعياله

وسلم بيدچ اطفاله

شگال الگلب ساعتها -- يزينب من طلب مهره

00000000000000000000

ركب مهر المنيه حسين -- يزينب لازم ايودعچ

يبن امي ندهتي اعليه -- ومن عينچ يهل دمعچ

يخويه خل اشم نحرك -- تگليله بوصية امچ

وحيلچ راح ويه حسين

والجيته شبحتي العين

ومن رد المهر بالحين

نشد تي وگال يازينب -- ابو اليمه انگطع نحره

،،،،،،،،،،،

يزينب عگب ذبح حسين -- حريمه لاذن ابكترچ

وگمتي اتشاگفين السوط -- يحره عنهن ابمتنچ

چم طفله التصبريها وچم -- طفل الشبگ صدرچ

وبضلچ سكن روعه

بعزمچ نشفت ادموعه

يزينب ونتي مفجوعه

بياعين النظرتي اهلچ -- كلها امذبحه عالغبره

000000000000000

كلها امذبحه ورحتي -- يزينب تنزف اجروحچ

وراس حسين والعباس -- جدامچ خذن روحچ

ولا هاد الگلب ونه -- ولا منچ بطل نوحچ

لچنچ شامخه بعزمچ

حويتي كل سجايا امچ

وحچي الشمات ما همچ

يوم اوگفتي بالمجلس -- وللظالم صفت عبره

وين عازم عالسفر يحسين وين

--

موشح

--

--

وين عازم عالسفر يحسين وين -- روح ودعّ فاطمه بدمع وأنين

--

روح لمك فاطمه قبل المسير -- وگلها هم اوداعچ ابگلبي چبير

وأدري يمّه علم عنچ باليصير -- لاچن الله يمّ حسن هوه المعين

--

بچت عين الكعبه لوداعك تهل -- شافتك يحسين رايد ترتحل

تدري ماشي خطر دربك مو سهل -- شلون لو لرض الوطن عاد الحنين

--

وين رايح تگطع ادروب السفر -- أشلون بيك الوكت لوخان وغدر

ياحسين اهناك چن ارض القدر -- اي وحق ضلع امك وذاك الجنين

--

تعتمر رايد وتظعن بالضعن -- مو خواتك لو مشن يتروعن

ياحسين او بالدرب يتصدعن -- فوگ ظيم الوكت وأحزان السنين

--

روح يم جدك ابدمعك ودعه -- ونتّك يحسين اگعد سمعّه

وخبره ياجد للظلم مابايعه -- ولا أمد للذله ياجد الادين

--

سولف الجدك محمد بالتريد -- خبره أرد اعلن جهادي ضد يزيد

لو يكلفني يجد دم الوريد -- ودم أخوتي او تنذبح كل البنين

--

تودعني تودعني -- آنه امك تودعني

المستهل


--


تودعني تودعني -- آنه امك تودعني


حسين اتوادع اويه امه -- يسمع فاطمه اتكلمه


تودعني تودعني


--


حسين ودمعه يتهامل -- للزهره يودعها


يسمع من لحدها الصوت -- تبچي ابحرگه يسمعها


هذا اوداع وين اتريد -- لمك ليش تفجعها


مو تدري الصدر مجروح -- والبسمار روعّها


وين اتريد وين اتريد -- يبني حسين وين اتريد


ضلعي يبني لتلچلمه -- يسمع فاطمه اتكلمه


تودعني تودعني


--


گاللها بحزن گلبه -- ويتلاهب دليله ابنار


يمّه عنچ امسافر -- هليله اصبحت خطار


وباچر احدي بضعوني -- ولا واحد يظل بالدار


عندي بس عليله اتظل -- ماتحمل سفر وأخطار


تبچيني تبچيني -- اعاينها تبچيني


كثرت للگلب همه -- يسمع فاطمه اتكلمه


تودعني تودعني


---


سمع من اللحد فد صوت -- صوت اختنگ بالعبره


ونتها ابضلع مكسور -- بألمها أتكلمه الزهره


يحسين المسير اطويل -- يبني ورحلتك خطره


وعني لو خذت ولياك -- گبر أمك منو ايحضره


لاترحل لاترحل -- يبني حسين لاترحل


گبري من يجي يمه -- يسمع فاطمه اتكلمه


تودعني تودعني


--


جاوبها ييمه الدين -- حرفوا كل معانيه


وعالذل مابعد اصبر -- ولا ارضه بعبوديه


ابدمي ارد اضحيله -- ولآخر نفس بيّه


حتى لو عدوي ايجور -- تذبحني مواضيه


اجاهدله اجاهدله -- ديني كون اجاهدله


وتراب الگبر شمه -- يسمع فاطمه اتكلمه


تودعني تودعني


--


ظل ايسولف او تسمع -- ويسمع من گبرها اونين


گالتله يرحانه -- المحمد يبني ورياحين


ولمك يبني چنت الروح -- ومهجتها وضواها العين


وحدك عالسفر ناوي -- لو كل الاهل ماشين


شبانك شبانك -- تظعن كلها شبانك


مو صدري نزف دمه -- يسمع فاطمه اتكلمه


تودعني تودعني


--


يُمه فاطمه الشبان -- واخوتي كلهم الطيبين


بحزام الوفه وياي -- يمه ابغيره متحزمين


عباس وثلاث ابطال -- ابسوح الموت معروفين


وحتى البلمهد يرضع -- ايجاهد رايد الهل الدين


رايدهم رايدهم -- يمّه المجد رايدهم


قربان الدمه انقدمه -- يسمع فاطمه اتكلمه


تودعني تودعني


--


نشدت يبني اختك وين -- زينب خل اكلمها


اودعها وتودعني -- عزيزة فاطمه امها


لختك من يباريها -- ابها المسره ويلازمها


ماريد الدهر يحسين -- منك يبني يحرمها


ترعاها ترعاها -- لختك يبني ترعاها


وعمرك ربي اليسلمه -- يسمع فاطمه اتكلمه


تودعني تودعني

وين انويت -- يسور البيت -- خويه حسين حاچيني -- للمسير

المستهل
---

وين انويت -- يسور البيت -- خويه حسين حاچيني

----

زينب ويه اخوها حسين وتنشده

حين الشافته ايودع گبر جده

عازم عالرحيل وهالامر عنده

تدري ابهل الضعن لوراح شيرده

هم انعود -- خويه اردود -- گلي ياضوه عيني

----

يحسين وشفت خويه شكبر همك

لمن ودعت يحسين گبر أمك

كون اوياك امشي وكون اظل يمك

ابروحي تسكن وگلب اختك ايظمك

بس اهموم -- اشوف اليوم -- هالدنيه اشراويني

-----

ظلت زينب أبين الالم والهم

واعليها النهار امن القهر اظلم

ابدمع العين ويه حسين تتكلم

خطر دربك يخويه بهل الخطر اعلم

عدنه اعيال -- خويه اطفال -- وانه من يباريني

----

سولفلي أبمسريك هذا وين انويت

ياهيبة اهلنه وياعمود البيت

تدري ابعّز يخويه أوياك آنه اربيت

بيه شلون وحدي وبالغرب ظليت

ابدمع العين -- اظل يحسين -- خويه لاتبچيني

----

بچت زينب تذكرت فاطمه امها

حزن اچبير بيها وشكبر همها

لن عباس اخوها يجي ايكلمها

صبّرها ويوسلف من گعد يمها

عد عيناچ -- اخوچ اوياچ -- أوفي الوعد تدريني

----

واعدها اخوها ابروحه يرعاها

گمر هاشم الزينب يسر عيناها

عليها ناشره ويرفرف الواها

تتباها بخوها الگمر خلاها

وعدها وگال -- اهز اجبال -- مثل حيدر تشوفيني

ماگلت رايح وين -- آه ياخويه

المستهل


--


ماگلت رايح وين -- آه ياخويه


فراگك صعب يحسين -- آه ياخويه


اخت او لخوها اتريد -- بعد البچي شيفيد


--


خويه ودعتك عساني وعت جثتي ابلحدها


هيه زيب بعد غيرك والي ماظل بعد عدها


سالم اتريدك وضحت الك يحسين ابولدها


انته رفعت راس الها ونته خيمتها وعمدها


يحسين اخذني اوياك -- آه ياخويه


اشلون اصبر ابلياك -- آه ياخويه


شوفتك عندي عيد -- بعد البجي شيفيد


--


هاك اخذ يحسين عمري ويظل سالم خويه عمرك


اتشوف اخوتك كلها صرعه عفيه خويه اشكبره صبرك


ردت واحد من يعينك ردت ناصر من ينصرك


وآنه بالخيمه يخويه أمن البعد حاير انظرك


كل أخوتك عافوك -- آه ياخويه


ابوسط العدو خلوك -- آه ياخويه


من شفتك انته اوحيد -- بعد البچي شيفيد


--


خويه بعيونك تشاهد ذبحوا الشبان كلها


وبچت عينك عله الاكبر دمعتك لجله تهلها


وصّبرت رمله اعله ابنها صبري يارمله تگلها


أوحيد وراح امن اديها لا امل ظل بعد الها


علگت شمع وبخور -- آه ياخويه


يم جثة ابنها اتدور -- آه ياخويه


ابدمه تحني الايد -- بعد البچي شيفيد


--


والاشد واصعب اعاين دمعتك يحسين تجري


من سمعتك صحت خويه انكسر ياعباس ظهري


وآنه مذهوله عليكم وانهدم ساعتها صبري


أختك وعندك عزيزه ابعزتي يحسين تدري


للمشرعه امن امشيت -- آه ياخويه


يمه الچفوف الگيت -- آه ياخويه


همك عليك ايزيد -- بعد البچي شيفيد


--


خويه واليرتضع طفلك سهم بيه گطعوا وريده


ذبح نحره ودمه ينزف طلع امن اگماطه ايده


رحت ترويه رجع ميت هالطفل لمّه تعيده


ونظرت لعبد الله امه امطوگه هالنبله جيده


بس الجسد لاروح -- آه ياخويه


بالنبله رد مذبوح -- آه ياخويه


مذبوح من الجيد -- بعد البچي شيفيد


--


ونته بالميدان خويه بالحجر صوبوا جبهتك


وبالسهم رمايه يگطع من رمه خويه چبدتك


والشمر نحرك يحزّه أمن الگفه يذبح رگبتك


بعد بيها اشظل يخويه زينب ابياحاله أختك


ماظل بعد وليان -- آه ياخويه


هذا الامل ماچن آه ياخويه


ماسلم الها اوليد -- بعد البجي شيفيد